«Айыы кыһата» оскуола 13 сыл тухары «Оҕо дыбарыаһыгар» дьуккаахтыы олорон, үөрэнэн кэллилэр. Ыарахан условиеҕа олорбуттарын да иһин, оскуола оҕолоро олус көхтөөхтөр уонна кыахтаахтар. Биирдиилээн оҕолору холобур аҕалыахха сөп, үҥкүүһүт уолбут – Серго Сидоров @sergosidorov – Голливуд сулуһун Уилл Смити кытта Футбол Аан дойдутааҕы чемпионатыгар кыттынна.
Бу оскуолаҕа үөрэнэр оҕолор төрөөбүт тылларын, нууччалыы судаарыстыбаннай, омук да тылларын билэр, хайа баҕар кэпсэтэр буола улааталлар. Быйылгы выпускник Айна Свешникова нуучча тылыгар туйгун билиилээҕин, #ЕГЭ-тин 100 баалга туттаран, дакаастаата. Бу оскуола үрдүк таһымнааҕын кордорор.
Бүгүн “кыымнар” #АйыыКыhата оскуола кэскилин быhаарар төгүрүк остуолу тэрийдилэр.
Соторутааҕыта биллибитинэн, “Айыы Кыһата” оскуоланы уопсай үөрэхтээһин систематыгар киллэрэр үлэ бара турар эбит. Ол аата төрөөбүт тылынан үөрэниэн баҕалаах оҕолору буолбакка, оҕо ханна пропискалааҕынан көрөн ылар буолаллар. Бу хас да сыллаах үлэ, наукаҕа тирэҕирэн оҥоһуллубут этнопедагогика методикатын туора сотооһун буолар
Онтон сылтаан оскуола ахсынньыттан Устаабын ылына илик эбит.
Биhиги Арассыыйа Конституциятыгар олоҕуран, федеральнай да, республиканскай да сокуоннарга тирэҕирэн, саха ыала саха оҕотун сахалыы тылынан үөрэтэр көҥүл бырааптааҕын туруорсуохтаахпыт уонна ситиһиэхтээхпит!
Учууталлар, төрөппүттэр, саха норуота түмсэммит ити боппуруоһу туруорсуох тустаахпыт!
Сахалыы оскуола баар буолуохтаах, саха оҕото төрөөбүт тылын билиэхтээх, «Айыы кыhата» оскуола кэскиллээх буолуохтаах!
